⚠️ تحذير عاجل : نصاب خطير يسرح ويمرح في الفايسبوك ويحاول ينصب على الناس بطريقة منظمة ⚠️

الإخوان والأخوات، بغيت نخرج ليكم تحذير كبير بزاف !
واحد السيد (يظهر بلا اسم حقيقي في الفيس) كيبيع الوهم للناس علاش؟
كيقول عندو ديبو كبير ديال زيت كريستال (Huile Cristal) وباغي لخدامة بسرعة.
كيبان في الهضرة معقول 100%، كيحلف بالله، كيحكي ليك قصص تقنعك…
الطريقة ديالو :

كيطلب منك ترسل ليه ولاد العائلة أو الصحاب لي بغاو يخدمو.
كيطلب من كل واحد :
بطاقة التعريف الوطنية (صورة واضحة)
90 درهم (يقولك غير مصاريف الملف)
جوج صور شمسية

كيقول ليك "غير واحد صاحبي غادي يجي يشد عليكم الوراق ومن غدا تبداو الخدمة معانا بـ 4000 درهم فالشهر + بريمات…"
من بعد ما كتجمع ليه الوراق والفلوس → يختفي نهائياً !!

الأخطر :

كل مرة كيبدل الشركة لي كيقول كيعمل معاها (مرة كوليمو Colimo، مرة شركة أخرى…)
عندو أوديوهات كيصرح فيها بالكذوب : مرة كيقول للضحية "مراتي ماتت"، مرة "فيها السرطان" باش يخلي الناس يرحموه ويعطيوه الوراق بسرعة.

شاركو المنشور بسرعة قبل ما يحذف الحساب ويبدل النمرة مرة أخرى
#تحذير #نصب #فاس #الدار_البيضاء #المغرب #سايبر_كريم